नेपाल प्रिमियर लिग (एनपिएल)मा सुदूरपश्चिम रोयल्स चितवन राइनाेजसँग ३३ रनले पराजित भएकाे छ।
त्रिवि क्रिकेट मैदानमा भएकाे दाेस्राे खेलमा चितवन राइनोजले दिएको १६५ रनको लक्ष्य पछ्याएको सुदूरपश्चिम १८ ओभर २ बलमा १३१ रनमा समेटियो।
सुदूपश्चिमकाे याे पहिलाे हार हाे। यसअघि सुदूरपश्चिमले विराटनगर, काठमाडौं र लुम्बिनीलाई पराजित गरेको थियो।
चितवनले चौथो खेलमा तेस्रो जित हात पारेको छ। सुरुवाती दुई खेल जितेको चितवन पछिल्लो खेलमा पराजित भएको थियो।
काठमाडौं र पोखरालाई पराजित गरेको चितवन कर्णालीसँग हारेको थियो।
आजै भएको पहिलो खेलमा जनकपुर बोल्ट्सले लुम्बिनी लायन्सलाई १ रनले पराजित गरेको थियो।
जनकपुर लगातार ४ खेलमा विजयी हुँदा लुम्बिनी लगातार चौथो खेलमा पराजित भएको हो।
१ .
२ .
३ .
४ .
५ .
