बिहिबार, १० जुलाई २०२५

गुरु आफ्नो नैसर्गिक स्वभाव चिनाउने पूज्य पात्र हुन : प्रधानमन्त्री

News Image
• • •

प्रधानमन्त्री केपी शर्मा ओलीले आज गुरु पूर्णिमाको अवसरमा शुभकामना दिएका छन्।

बिहीबार सामाजिक सञ्जालमार्फत शुभकामना दिँदै उनले गुरु अन्धकारबाट प्रकाशमा पुर्‍याउने र आफ्नो नैसर्गिक स्वभाव चिनाउने पूज्य पात्र भएको बताए।

उनले भने, ‘आज गुरु पूर्णिमा। यस दिनलाई महर्षि व्यास जयन्तीका रूपमा पनि लिइन्छ। हाम्रो प्राचीन पूर्वीय सभ्यताले आफ्नो अन्तर्मन अस्तित्व चिन्न दृष्टि दिने व्यक्तिलाई गुरु भन्छ र संसारको बारेमा सिकाउनेलाई शिक्षक भन्छ। गुरु अन्धकारबाट प्रकाशमा पुर्‍याउने र आफ्नो नैसर्गिक स्वभाव चिनाउने पूज्य पात्र हुन्।’

उनले हामीलाई अरूमाथि प्रश्न गर्ने होइन, आफ्नो आन्तरिक सत्यमा प्रकाश दिने साक्षात् ‘दीप’ चाहिएको बताए। त्यस्तो दीप भनेको विवेक रहेको उनको बुझाई छ।

• • •
यो समाचार पढेपछि तपाईलाई कस्तो लाग्यो?