जनता समाजवादी पार्टी नेपालका अध्यक्ष उपेन्द्र यादवले मधेश आन्दोलनका प्रथम सहिद रमेश महतोको सालिकमा माल्यार्पण गरेका छन्। 
सिराहाको लाहानमा रहेको महतोको सालिकमा माल्यार्पण गर्न अध्यक्ष यादव शनिबार बिहान त्यहाँ पुगेका हुन्।

उनले मधेश आन्दोलनका कारण मधेशमा संघीयता स्थापना भएको दाबी गरेका छन्। मधेश आन्दोलनको क्रममा महतोस  माघ ५ गतेका दिन मधेस आन्दोलनको बलिदानी दिवसको रूपमा मनाउँदै आएको छ।

बलिदानी दिवसको अवसर पारेर मधेस सरकारले सहिदहरूको सम्मानमा विभिन्न कार्यक्रम गर्ने भएको हो। मधेस सरकारले सहिदहरूको परिवारलाई अभिनन्दनका साथै सहिदहरूको सम्मानमा एक लाख बढी दीप बाल्ने कार्यक्रम रहेको मधेस सरकारका गृह संचार तथा कानूनमन्त्री राजकुमार लेखीले जानकारी दिए।

उनका अनुसार जनकपुरधामको जानकी मन्दिर प्राङ्गणमा साँझ दीप बाल्ने कार्यक्रम छ। मधेश प्रदेशका जिल्लामा शहीदहरूको सम्मानमा विभिन्न कार्यक्रम हुने जनाइएको छ।