मुकुम्लुङ मासेर केबलकार निर्माण गर्ने व्यापारीको पक्षमा लागेको भन्दै ताप्लेजुङका पदम चेन्जि माबोलाई धरानमा कालोमोसो दलिएको छ।

आइतबार मुकुम्लुङ संरक्षण संयुक्त संघर्ष समिति सुनसरीका कार्यकर्ताहरूले माबोलाई धरान-९ स्थित पुतली लाइनमा कालोमोसो दल्दै कुटपिट गरेका हुन्।

सार्वजनिक रुपमै केबलकारको पक्षमा लागेको र विरोधीहरूमाथि गालीगलौजमा उत्रिएको आरोप लगाउँदै कालोमोसो दलिएको संघर्ष समितिले जनायो।

जनमुक्ति पार्टीका केन्द्रीय उपमहासचिव विष्णु थाम्देनले बताए। माबोलाई कालो मोसो दल्न जनमुक्ति पार्टीका केन्द्रीय उपमहासचिव विष्णु थाम्देनसहित नागरिक उन्मुक्ति पार्टीका केन्द्रीय नेता अमर इजम र समितिका नेता जेन्टल लावतिलगायतको उपस्थित थिए।

माबोमाथि आक्रमण भएपछि प्रहरीले सुरक्षाका लागि भन्दै इलाका प्रहरी कार्यालय धरानमा लगिएको थियो। 

माबोले भने आफूमाथि आक्रमण गर्नेहरूलाई कारबाहीको माग गरेका छन्। र आक्रमणकारीहरू विरुद्ध किटानी जाहेरी दिएका छन्।