नेपाली कांग्रेसकी सांसद सीताकुमारी रानामगरले दैलेखकाे पञ्चकोशी धार्मिक क्षेत्र शिरस्थान-नाभिस्थान सडक स्तराेन्नती कार्यका लागि छिटाे वातावरणीय प्रभाव मूल्यांकन गराउन सरकारसँग माग गरेकी छन्।

बुधबार प्रतिनिधि सभाकाे शून्य समयमा बाेल्दै सांसद रानाले पूर्वाधार विकास कार्यालय दैलेखबाट वातावरणीय प्रभाव मूल्याङ्कन नै नगरी चालु आर्थिक वर्ष २०८१/०८२ मा ठेक्का खोलिसकेको र उक्त सडकमा सामुदायिक वन पर्ने सडक विस्तार गर्दा सामुदायिक वनका रुख कटान गर्नको लागि आईईई/ईआईए प्रतिवेदन नबनेको कारण देखाई निर्माण कार्य अगाडि नबढेकाले तुरुन्तै प्रतिवेदन बनाउनुपर्ने बताएकी हुन्।

भैरवी गाँउपालिका-१ जलजलेमा पेट्रोल अन्वेषणपश्चात ग्यास रहेको पत्ता लागेपछि हाल चीनले यस क्षेत्रमा कति मात्रामा ग्यास छ भनेर अध्ययन अनुसन्धान गरिरहेको छ। त्यसैले साे क्षेत्रलाई प्राथमिकता दिएर सडक निर्माण प्रक्रियालाई अघि बढाउनुपर्ने सांसद रानाको जाेड छ।