एमाले सांसद सूर्य थापाले राप्रपा अध्यक्ष राजेन्द्र लिङदेनको अभिव्यक्तिप्रति कटाक्ष गरेका छन्।

राजावादी आन्दोलनको तयारीका लागि आयोजित बैठकमा सम्बोधन गर्दै लिङदेनले अबको आन्दोलन निर्णायक हुने र प्रधानमन्त्रीलाई नै भगाउने अभिव्यक्ति दिएका थिए। उनले प्रधानमन्त्रीलाई हेलिकप्टर चढेर भाग्न दिने टिप्पणीसमेत गरेका थिए।

लिङदेनलाई थापाले समाजिक सञ्जालमार्फत जवाफ फर्काउँदै आफूहरूलाई पनि पूर्व आन्दोलनकारी बताउँदै ‘हेलिकप्टरवाला प्रस्तावलाई हामी पूर्व आन्दोलनकारीहरूले कसरी बुझौं?’ भन्दै प्रश्न गरेका छन्।

उनले लिङदेनको उम्रिदै होइन, नउम्रिदै तीन पात देखिन थालेको व्यंग्य गरेका छन्।

यता थापाले लिङदेनलाई प्रश्न गरिरहँदा एमालेकै नेतृ उषाकिरण तिम्सिनाले थापाको पोस्टको कमेन्ट बक्समा जवाफ फर्काएकी छन्।

उनले भनेकी छन्, ‘लिङदेनले आफू राजावादी हुँ भनेका थिए, ढाँटेका थिएनन्, घोषणापत्रमै लेखेका थिए, टक्क यिनलाई सूर्य चिन्हमा भोट हाल्न चाहनेहरूले भोट हाल्न बाध्य हामीले बनाएकामा आत्मआलोचना मेरो भागमा परेजती गर्न चाहन्छु।’

सूर्यको प्रश्न-

उषाकिरणको जवाफ-