इटालियन क्लब युभेन्ट्सका पोर्चुगिज फरवार्ड क्रिस्टियानो रोनाल्डोले करियरको १ हजार खेलको कोशेढुंगा पार गर्दैछन्।

इटालियन सिरी ए अन्तर्गत शनिबार एसपीएलविरुद्ध मैदान उत्रदै रोनाल्डोले सिनियर फुटबलमा १ हजार औं खेलको कोशेढुंगा पुरा गर्ने लागेका हुन् ।

म्यानचेस्टर युनाइटेड र रियल म्याड्रिडबाट पाँच पटक युरोपियन च्याम्पियन्स लिगको ट्रफि उचालेका रोनाल्डोले पोर्चुगललाई २०१६ को युरो कप र २०१९ को नेसन्स लिग जिताउन कप्तानी प्रदर्शन गरेका थिए।

पाँच पटकको बालोन डी ओर विजेता रोनाल्डोले हालसम्म ९ सय ९९ खेल खेलिसकेका छन्। उनले क्लबबाट ८ सय ३५ खेल खेल्दा राष्ट्रको लागि १ सय ६४ खेल खेलेका छन्। जसले उनले ७ सय २४ गोल गरेका छन् ।

रोनाल्डोले करियरको पहिलो क्लब स्पोर्टिङ लिस्बनबाट ३१ खेल खेलेका थिए ।

रोनाल्डो सन् २००३ मा इंग्लिस कल्ब म्यानचेस्टर युनाइटेडमा अनुबन्धित भएका थिए। उनले उक्त कल्बमा २ सय ९२ खेल खेले । युनाइटेडमा ६ वर्ष बिताएपछि रोनाल्डो सन् २००९ मा स्पेनिस क्लब रियल मड्रिड गएका थिए ।

रियलमा करिब ९ वर्ष विताएका रोनाल्डो सन् २०१८ मा युभेन्ट्स गएका हुन् ।