बोरुसिया डर्टमण्ड जर्मन बुन्डेश लिगामा दोस्रो स्थानमा उक्लिएको छ।
शनिबार भएको खेलमा वेर्डर ब्रेमेनमाथि डर्टमण्डले २–० गोल अन्तरको जित निकाल्दै दोस्रो स्थानमा उक्लिएको हो।
ब्रेमनको मैदानमा भएको खेलमा डर्टमण्डलाई जित दिलाउन डान जागाडोउ र अर्लिङ हालान्डले एक एक गोल गरे ।
पहिलो हाफ गोलरहित सकेको खेलमा दुबै गोल दोस्रो हाफमा भएको हो।
५२ औं मिनेटमा जागाडोउले गोल गर्दै डर्टमण्डलाई अग्रता दिलाएका थिए।
त्यसपछि खेलको ६६ औं मिनेटमा हालान्डले गोल गर्दै डर्टमण्डलाई २–० को जित दिलाए ।
जितसँगैडर्टमण्डले २३ खेलमा ४५ अंक जोडेको छ।
१७ अंक जोडेको ब्रेमेन रेलिगेसन क्षेत्रमा रहेको छ।