ब्याडमिन्टन खेलाडी प्रिन्स दाहालले युरोपको दुई जुनियर सिरिज खेल्ने भएका छन्। प्रिन्सले नेदरल्यान्ड्सको डच जुनियर इन्टरनेसनल र जर्मनीको जर्मन जुनियर इन्टरनेसनल सिरिज खेल्ने भएका हुन्।
प्रिन्सले सुरुवातमा नेदरल्यान्ड्सको सिरिज खेल्नेछन्। डच सिरिज फेब्रुवरी २६ देखि १ मार्चसम्म हुनेछ। डच सिरिजपछि प्रिन्स जर्मन जाने छन्। जर्मनीको सिरिज मार्च ४ देखि ८ मार्चसम्म हुनेछ।
दुई सिरिजका लागि प्रिन्स मंगलबार त्यसतर्फ प्रस्थान गरेका छन्। प्रिन्सको प्रशिक्षक कमलेस निरौला रहेका छन्। उनी अहिले विश्व ब्याडमिन्टन महासंघ (बिडब्लुएफ)को जुनियर वरियतामा ११ औँ स्थानमा रहेका छन्।
