'केपी बालाई जग्गा बेच्न गएका दले दाइ'

सुमन कोइराला। तस्बिरः निशा भण्डारी/सेतोपाटी

• • •

'दले' भन्ने बित्तिक्कै हामी घर-जग्गा कारोबारीलाई बुझ्छौं। 'दलाल' लाई होच्याउनेगरी भनिने 'दले'हरू आफूलाई खुलेर चिनाउन हिचकिचाउँछन्।

२६ वर्षीय सुमन कोइरालाले भने 'दले' कै रूपमा आफ्नो पहिचान बनाएका छन्। दले बनेरै लोकप्रिय बनेका सुमनले धेरै प्रशंसक कमाइसके।

कमेडी च्याम्पियनमा सुमन ढाका टोपी र कोट लगाएर आएका थिए। मसिनो स्वरमा बोल्ने सुमन ग्राहकलाई राम्रो जग्गा खोजिदिन थाल्छन्।

यसैक्रममा उनी सुनाउँछन्- एकदिन केपी बाकहाँ जग्गाको प्रस्ताव लिएर गएको थिएँ। केपी बा, चार रोपनी खेत छ, बैना मारौं न भनेँ। उहाँले त हुँदैन, म बाहिरका दलालबाट काम गराउँदिन, मेरो काम त विष्णु भाइले हेर्छ भन्नुभयो। मलाई पनि झनक्क रिस उठ्यो। अनि केपी बा, यो गैंडालाई गैंडा होइन, राइनो भन्छन् भन्दै खुर्र भागेँ।

• • •