नेपालमा रहेर कलाकारितासँगै कुखुरापालन व्यवसाय गरिरहेका भेट्रन नायक सरोज खनाल अझै पनि अमेरिकी नागरिक नै रहेको पुष्टि भएको छ।

अमेरिकाले आइतबार सरोज खनालसहित ३०३ अमेरिकी नागरिकलाई नेपालबाट अमेरिका फर्काएपछि उनी अझै अमेरिकी नागरिक रहेको पुष्टी भएको हो।

राष्ट्रभक्तिको ठूलो कुरा गरेर नेपाल फर्केका खनालले अमेरिकी नागरिकता नै त्यागेर नेपाल फर्केको जस्तो मिडिया हाइप सिर्जना गरेका थिए। अझ धेरैले त उनले अमेरिकी नागरिकता नै नलिएको र ग्रिनकार्ड त्यागेर नेपाल फर्केको ठानेका थिए।

नेपाल फर्केपछि डा. बाबुराम भट्टराईको नयाँ नेपालको केन्द्रीय नेतृत्वमै पुगेकाले पनि उनी नेपाली नै रहेको धेरैलाई लागेको थियो। उनले नेपाली राजनीतिमा आउन चाँहिने नेपाली नागरिकता कायमै गरेको धेरैलाई लागेको थियो ।

अभिनेता सरोज खनालको परिवार भने अमेरिकामै रहेको छ। नातिको पास्नीका लागि अमेरिका आउने योजना लकडाउनका कारण स्थगित भएको उनले बताएका थिए। 

अमेरिकी नागरिक भैसकेर पनि भरसक त्यो परिचय लुकाएर राष्ट्रप्रेमी नेपाली देखाउन खोज्ने सरोज खनाल एक्लो अमेरिकी-नेपाली हैनन्, उनीजस्ता थुप्रै अमेरिकी नेपाली छन् जो यस्तो चरित्र देखाइरहेका छन् ।