प्रधानमन्त्री र अन्य मन्त्रीबारे अफवाह फैलाएको आरोपमा दुई पक्राउ

प्रधानमन्त्री  र अन्य मन्त्रीबारे अफवाह फैलाएको आरोपमा दुई पक्राउ

सामाजिक सञ्जालमा प्रधानमन्त्री केपी शर्मा ओली तथा अन्य मन्त्रीबारे अफवाह फैलाएको आरोपमा दुई जना पक्राउ परेका छन्।

प्रहरी प्रधान कार्यालयअन्तर्गत साइबर ब्युरोले बिहीबार काठमाडौंको बुढानिलकण्ठ नगरपालिका चुनिखेलबाट खोटाङ ऐसेलुखर्क १ का २६ वर्षीय तारा नाछिरिङ र काभ्रे पनौती नगरपालिकाका ४६ वर्षीय रामकुमार रघु श्रेष्ठलाई  पक्राउ गरेको हो।

उनीहरूले प्रधानमन्त्री, उपप्रधानमन्त्री तथा अन्य मन्त्रीहरूको फोटो प्रयोग गरी मानमर्यादामा आँच पुर्‍याएको प्रहरीको भनाइ छ।

उनीहरूमाथि विद्युतीय कारोबार ऐन २०६३ले बन्देज गरेका सामग्रीहरू प्रकाशन गरेका मुद्दामा थप अनुसन्धान भइरहेको प्रहरीले जनाएको छ।
 

प्रकाशित मिति: Apr 09, 2020 21:35:53

प्रतिक्रिया दिनुहोस

सबै