जक्सना कार्की र गोपाल बोहरा 

भारतको उच्च अदालतले भारतमा बन्दाबन्दी (लकडाउन)को समयमा घरेलु हिंसा बढेको टिप्पणी गरेको छ । विश्वभर हाल विभिन्न हेल्पलाइनको व्यवस्था गरिएको छ । एक अध्ययनअनुसार कोभिड –१९ पछि वेबसाइडमा घरेलु हिंसासँग सम्बन्धित विषय खोज्नेको संख्या बढेको छ । त्यसैले धेरै मानिसहरु घरेलु हिंसाको सिकार भएको हुनसक्ने अनुमान गरिएको छ । 

पर्याप्त समयका कारण तनावका कारण उजागर हुने, विद्यालय बन्द भएकाकाले कामको बोझ बढेर तनाव बढ्ने, दैनिक ज्यालादारी गरेर गुजारा गर्नुपर्नेले आर्थिक हिंसासमेत बेहोर्नु पर्ने हुन्छ । युरोपियन परिषद्का अनुसार घरेलु हिंसा नाटकीय गतिमा बढिरहेको छ । माहिलाविरुद्धको हिंसाका कारण घाउ चोटपटक लाग्ने, शारीरिक, मानसिक, यौन तथा प्रजनन् स्वास्थ्यका समस्या जस्तै, एड्स, अनिच्छित गर्भ रहने हुन्छ भने कतिपय अवस्थामा पीडकले नै रोगका बारेमा गलत हल्ला फैलाउँछन् ।