नयाँ ठाउँ घुम्ने र त्यसलाई सुन्दर तथा कलात्मक शैलीमा लेख्ने आदत बसालेका नियात्रा लेखक यतिखेर सबैभन्दा बढी मारमा परेका छन् । उसै पनि एउटा लेखकलाई जसरी भ्रमण आवश्यक पर्छ उसैगरी अध्ययन पनि जरुरी हुन्छ । साहित्यका अन्य विधा कोठामै बसेर सिर्जना गर्न सके पनि नियात्राको मुख्य स्रोत भनेको भ्रमण नै हो । के सोचिरहेका होलान् यतिखेर नियात्राकारहरु ?

नेपालमा नियात्रा लेखनको इतिहास लामो रहेको मानिन्छ । पहिले नियात्रा नभनेर यात्रा संस्मरण वा यात्रा वृत्तान्त भनिए पनि यात्रामा देखेका–भोगेका, अनुभूत–महसुस गरेका र यात्राले दिएको अनुभव बयान गर्ने परम्परालाई नै यात्रा संस्मरण भनिएको हो ।