कपिलवस्तु कारागारका एक कैदीको आज मृत्यु भएको छ। 

मृत्यु हुनेमा  यशोधरा गाउँपालिका– ७ इटवाका ५३ वर्षीय रामअधिन कहार रहेका छन्। 

बिहान १०ः०० बजे खाना खाएर सुतेपछि अचेत बनेका उनलाई उपचारका लागि कपिलवस्तु अस्पताल लगिएकामा अस्पतालका चिकित्सकले नै मृत घोषणा गरेको जेलर राकेशकुमार पाण्डेयले जानकारी दिए। 

गत वर्ष साउन २ गतेदेखि कर्तव्य ज्यान मुद्दामा सजाय काटिरहेका उनको मृत्युबारे खुल्न सकेको छैन।