अमर बनाई देउन

अमर बनाई देउन

जब म घाम बनी 
तिम्रो मुहार रुझाउँछु
तिमी कोपिला सरी
मुस्काएर ओइली झर्छौ।

जब म जून बनी
तिम्रो ढुकढुकी निहाल्छु
तिमी हिउँ बनी
चिसो होइदिन्छौ।

प्रिये! म घाम हुँदा
तिमी रातको जून बनी
अँध्यारोमापनि मेरो
मुहार देखाई देउन।
सूर्यमुखी सरी ,घामको 
ताप सँग नडराई प्रेममा
म जता जान्छु
तिमी त्यतै हेरी देउन।
रातको रानी सरी, जून सँग
प्रेममा मौलाएर
मगमागाई देउन।

जून र घाम जस्तै
कहिले नभेटे पनि
हाम्रो  यो साइनो
युगौं - युग सम्म 
अमर बनाई देउन।

प्रकाशित मिति: Aug 01, 2020 10:50:59

प्रतिक्रिया दिनुहोस