अभिनेत्री पायलविरूद्ध अनुरागको कानुनी लडाईं!

आफूमाथि लागेको यौन शोषणको आरोपमा बलिउड निर्देशक अनुराग कश्यपले कानुनी लडाईं लड्ने भएका छन्। उनले यसका लागि लामो समय कानुनी सुझाव लिएको बताएका छन्। 

अनुरागमाथि अभिनेत्री पायल घोषले बलात्कारको आरोप लगाएकी थिइन। अनुरागमाथि गत महिना मुम्बईको प्रहरी थानामा पायलले उजुरी दर्ता गरेकी थिइन। अनुरागले कानुनी लडाईं लड्न आफूले समय लिएको बताएका छन्। उनले यस अवधिमा आफूविरूद्ध लागेको आरोप झुटो भएको प्रमाण जुटाउन समय लागेको बताएका छन्। 

उनले आफूमाथि लागेको आरोपले सार्वजनिक जीवनमा धक्का लागेको बताएका छन्। पायलको उजुरीमा मुम्बई प्रहरीले अनुरागसँग ८ घण्टा सोधपुछ गरेको थियो।

प्रकाशित मिति: : 2020-10-28 16:19:00
# अनुराग