‘एक्सट्र्याक्सन’ र ‘अटोमिक ब्लन्ड’का निर्माता गिल्ड यौन दुर्व्यवहार गरेको आरोपमा पक्राउ

हलिउड चलचित्र निर्माता डेभिड गिल्डलाई प्रहरीले पक्राउ गरेको छ। 

२१ वर्षीया युवतीमाथि यौन दुर्व्यवहार गरेको आरोपमा उनलाई लस एन्जलस प्रहरीले बुधबार राति पक्राउ गरेको हो।

ती युवतीले आफूलाई मिटिङको क्रममा गिल्डले यौन दुर्व्यवहार गरेको बताएकी छन्। 

‘एक्सट्र्याक्सन’ र ‘अटोमिक ब्लन्ड’का निर्माता गिल्डलाई बलात्कारलगायत अन्य ११ अपराधहरुको आरोप छ। 

गिल्डमाथि  यौन दुर्व्यवहारको आरोप लागेपछि सन् २०१७ मा उनले ‘प्राइमरी वेभ’बाट राजीनामा दिएका थिए। 

उनलाई अभिनेत्री जेसिका बर्थले सन् २०१२ मा डिनरका लागि भेट गर्न बोलाएर यौन दुर्व्यवहार गरेको आरोप लगाएकी थिइन्।

प्रकाशित मिति: : 2020-10-29 12:11:00
# डेभिड गिल्ड