नेपाल क्रिकेट संघ (क्यान) ले जनरल म्यानेजरको लागि ७ जनासँग अन्तर्वार्ता लिएको छ।
क्यानले आइतबार अन्तिम छनोटमा परेकाहरुकाे अन्तर्वार्ता लिएको हाे।
जनरल म्यानेजरका लागि आवेदन परेका ४५ जनाबाट दोस्रो चरणमा २० जनाको नाम सर्टलिस्ट गर्दै अन्तिम चरणमा ७ जनासँग अन्तर्वार्ताका लिएको क्यानले जनाएको छ।
क्यानले गत सेप्टेम्बरमा मुख्य प्रशिक्षक, क्रिकेटर म्यानेजर, जेनरल म्यानेजर र फाइनान्स म्यानेजरसहित सात प्रदेशका प्रशिक्षक पदका लागि दरखास्त आह्वान गरेको थियो।
क्यानले मुख्य प्रशिक्षक र क्रिकेट म्यानेजरका लागि यसअघि नै अन्तर्वार्ता लिइसकेको छ।
