च्याम्पियन्स लिग फुटबल इंग्लिस क्लब लिभरपुललाई इटालियन क्लब एट्लान्टासँग पराजित भएकाे छ।
लिग अन्तर्गत बुधबार राति भएको समूह डी को खेलमा एट्लान्टाले लिभरपुललाई उसकै मैदानमा २–० ले पराजित गरेको हो।
एट्लान्टाले दोस्रो हाफमा चार मिनेटको अन्तरालमा दुई गोल गरेको थियाे।
खेलकाे ६०औँ मिनेटमा जोसिप इलिसिकले गाेल गर्दै एट्लान्टालाई अग्रता दिलाएका थिए।
यस्तै रोबिन गोसेन्सले ६४औँ मिनेटमा गोल गर्दै जित पक्का गरे।
हारसँगै लिभरपुल दुई खेल बाँकी हुँदा ९ अंकसहित समूहको शीर्ष स्थानमा छ। सात अंकसहित एट्लान्टा तेस्रो स्थानमा रहेको छ।
अजाक्स सात अंकसहित दोस्रो स्थानमा छ।
