रूसमा म्याक्डाेनल् बन्द, उस्तै लाेगाे प्रयाेग गरेर ‘अङ्कल वान्या’ले सुरू गर्‍याे अर्काे कम्पनी

बिएल संवाददाता

मस्को

• • •

रुसले युक्रेनमा हमला गरेको बिरोध स्वरूप अमेरिकाको मेक्डोनाल्ड कम्पनीले रुसमा रहेको आफ्ना सबै आठ सय ५० पसल बन्द गरेपछि रुसले त्यस्तै प्रकारको कम्पनी सुरु गरेको छ।

‘फास्ट फुड’को लागि प्रख्यात यो कम्पनीको विकल्पमा रुसले ‘अङ्कल वान्या’ नामक कम्पनी सुरु गरेको हाे।

मेक्डोनाल्डकै जस्तो ‘लोगो’ राखेको कारण सामाजिक सञ्जालमा यसको निकै बिरोध भएको छ। यो समाचार तयार पार्दासम्म मेक्डोनाल्डले आफ्नो ‘लोगो’लाई उल्टाएर बनाएको लोगोको बारेमा औपचारिक धारणा प्रकट गरेको छैन। तर, अन्तर्राष्ट्रिय अदालतमा मुद्दा पर्‍याे भने रुसको कम्पनीले निकै ठूलो हर्जाना तिर्नुपर्ने हुन् सक्ने आर्थिक विश्लेषकहरुले बताएका छन्। स्मरण रहोस,‘अङ्कल वान्या’ प्रसिद्ध रुसी नाटककार एण्टोन चेखबको सन् १८९७ मा प्रकाशित नाट्य कृति को नाम हो।

• • •