एनसीसीमा नयाँ अधिकृत ल्याएर साढे १० बजेपछि मतदान सुरु गरिने

बिएल संवाददाता

काठमाडाैं

• • •

निर्वाचन अधिकृत सम्पर्कविहीन भएपछि बिथाेलिएकाे नेपाल कमर्श क्याम्पस (एनसीसी)काे स्ववियु निर्वाचनकाे मतदान साडे १० बजेपछि हुने भएकाे छ।

बिहान ८ बजेबाट सुरु हुने भनिए पनि निर्वाचन अधिकृत तुलसीराम रेग्मी फाेन स्वीच अफ गरेर सम्पर्कविहीन भएपछि राेकिएकाे मतदान प्रक्रिया नयाँ निर्वाचन अधिकृत ल्याएर साडे १० बाट सुरु गरिने तयारी भएकाे क्याम्पस प्रशासनले जनाएकाे छ।

निर्वाचन करिब २ घण्टादेखि सुरु नसक्दा ठुलाे संख्यामा उपस्थित विद्यार्थीहरु तितरबितर भएका छन्। चुनाव राेकिएपछि विद्यार्थीले नाराबाजी गर्न थालेपछि अहिले यहाँकाे सुरक्षा व्यवस्थासमेत कडा बनाइएकाे छ।

यसअघि पनि चैत ५ मा हुने भनिएकाे यहाँकाे निर्वाचन विवादका कारण राेकिएकाे थियाे।

• • •