प्रहरी घेरबन्दीमा मुस्कुराइरहेका टोपबहादुरले भने– म निर्दाेष हाे, बाँकी कुरा पछि गराैँला

• • •

नक्कली शरणार्थी प्रकरणमा पक्राउ परेका एमाले सांसद एवम् पूर्व उपप्रधान तथा ऊर्जामन्त्री टोपबहादुर रायमाझीलाई जिल्ला अदालत काठमाडौँमा पेस गरेर अनुसन्धानको लागि तीन म्याद थप गरिएको छ।

प्रहरीलाई चक्मा दिँदै ११ दिनसम्म भागेर पक्राउ परेका रायमाझीले यति ठुलो मुद्दा लाग्दा पनि जिल्ला अदालत र सरकारी वकिलको कार्यालयमा प्रस्तुत हुँदा कठोर मुस्कान दिए।

अनुसन्धानको लागि तीन म्याद थपेर अदालतबाट बाहिरिँदै गर्दाको हतारो परिस्थितमा पनि उनले भन्न भ्याए ,‘छानबिन हुन्छ, म निर्दाेष हाे।’

त्यही क्रममा उनलाई पत्रकारले तपाईंलाई प्रहरीले त्यतिकै समातेको हो र? भनेर प्रश्न गरेका थिए। उक्त प्रश्नकाे जवाफ दिँदै उनले भने, ‘बाँकी कुरा पछि गराैँला।’

त्यसपछि उनी प्रहरीकाे भ्यानभित्र छिरिहाले।

• • •