नेपाली कांग्रेसले नक्कली भुटानी शरणार्थी प्रकरणमा मिडिया र सामाजिक सञ्जाल ट्रायल भइरहेको बताएका छन् ।
मंगलबार पत्रकार सम्मेलन गर्दै कांग्रेस प्रवक्ता डा. प्रकाशशरण महतले नक्कली शरणार्थी प्रकरणको अनुसन्धान जारी रहेपनि मिडिया र सामाजिक सञ्जाल ट्रायल भइरहेको बताए।
अहिले आरजु राणाविरुद्ध मिडिया र सामाजिक सञ्जाल ट्रायल भइरहेको भन्दै प्रवक्ता महतले आरजुसँग जाेडिएकाे अडियाे नक्कली भएकाे दाबी गरे।
‘अहिले मिडिया र सामाजिक सन्जाल ट्रायल भइरहेको छ। आरजु राणाको केसमा उहाँले प्रमाणित होस भनेर उजुरी गर्नुभएको छ। तर अहिले सामाजिक सञ्जालबाट ट्रायल गरेर दोषी हो भनेर व्यवहार भइरहेको छ। यसप्रति हाम्रो गम्भीर ध्यानाकर्षण भएको छ। अडियो झुटो हो भन्ने विश्वास छ', उनले भने।
