यस वर्ष अर्थात् सन् २०२३ मा हलिउड सिनेमाका धेरै सेलिब्रेटी (कलाकार)हरुले आफ्नो वैवाहिक सम्बन्धलाई अन्त्य गर्दै पारपाचुके (डिभाेर्स)गर्ने निर्णय गरे। त्यसमध्ये केही चर्चित जोडीको पारपाचुकेबारे यहाँ उल्लेख छ गरिएकाे छ:
१. केभिन कोस्टनर र क्रिस्टिन बाउमगार्टनरले विवाहको १८ वर्षपछि गत मे महिनामा सम्बन्धविच्छेदका लागि निवेदन दिएका थिए। र, सेप्टेम्बरमा उनीहरुकाे सम्बन्धविच्छेद भएको थियो। यी दम्पतीका तीन सन्तान छन्।
२. बिली इलिश र जेसी रदरफोर्ड एक वर्षभन्दा कम समय प्रेम सम्बन्धमा रहेर गत मे महिनामा छुट्टिए।
३. रिज विदरस्पून र जिम टोथले आफ्नो १२औँ वार्षिकोत्सवको केही दिन अगाडि मार्चमा सम्बन्धविच्छेद गर्ने निर्णयको घोषणा गरे। ‘हामीसँग साझा गर्न केही व्यक्तिगत समाचारहरू छन् र धेरै सावधानी र विचारका साथ हामीले सम्बन्धविच्छेद गर्ने कठिन निर्णय गरेका छौँ’, उनीहरूले इन्स्टाग्राममा आफ्नो विचार व्यक्त गरे। ‘हामीले सँगै धेरै अद्भूत वर्षहरू रमाइलो गरेका छौं र हामीले सँगै सिर्जना गरेका सबै कुराको लागि गहिरो प्रेम, दया र पारस्परिक सम्मानका साथ अगाडि बढिरहेका छौँ’, उनीहरुले भनेका छन्।
४. सोफिया भेर्गारा र जो मङ्गानिलोले ७ वर्षको विवाहपछि जुलाईमा अलग भएका थिए। ‘हामीले सम्बन्धविच्छेद गर्ने कठिन निर्णय गरेका छौं’, दम्पतीले साझा बयान दिएका छन।
५. ड्र्यागन गायक ड्यान रेनोल्ड्स र अजा भोल्कम्यानले गत वर्ष विभाजनपछि अप्रिलमा सम्बन्धविच्छेदको लागि अदालतमा निवेदन दायर गरे। सन् २०११ मा विवाहित याे दम्पतीका चार सन्तानहरु छन्।
६. एले फ्यानिङ र म्याक्स मिङ्गेलाले अप्रिलमा आफूहरु सम्बन्धमा नरहेको खुलासा गरे। याे जोडीको प्रेम सम्बन्धको खबर पहिलोपटक २०१२ मा ‘टीन स्पिरिट’को सुटिङको समय आएको थियाे।
७. ब्री लार्सन र एलिया एलन-ब्लिट्जले पनि गत मार्चमा उनीहरू प्रेम सम्बन्धमा नरहेको खुलासा गरे। यो जोडी जुलाई सन् २०१९देखि सँगै थिए।
८. राउ अलेजान्ड्रो र रोजालियाले तीन वर्ष सँगै बसेपछि जुलाईमा आफ्नो ‘इन्गेजमेन्ट’लाई तोडेका थिए। यो जोडीको २०१९मा ल्याटिन ग्रामी अवार्ड कार्यक्रममा भेट भएपछि सम्बन्ध अगाडि बढेको थियो।
९. शानेन डोहर्टीले विवाहको ११ वर्षपछि पति कर्ट इस्वारियन्कोसँग सम्बन्ध विच्छेदको लागि मे महिनामा अदालतमा निवेदन दिएकी थिइन्। विगत केही वर्षदेखि स्तन क्यान्सरको उपचार गराइरहेकी नायिकाले सम्बन्धविच्छेदको कारण पुनर्मिलन हुन्।
१०. नोएल गालाघर र सारा म्याकडोनाल्डले जनवरीमा १२ वर्षको विवाहपछि सम्बन्धविच्छेद गरेको खुलासा गरेका थिए। पूर्वओएसिस सदस्य गालाघरले म्याकडोनाल्डलाई २०००मा इबिजाको एक क्लबमा भेटेपछि करिब ११ वर्षपछि २०११मा एक निजी समारोहमा विवाह गरेका थिए।
११. ब्रिटनी स्पीयर्स र साम असघारी १४ महिनाको विवाहपछि अगस्टमा अलग भएका थिए। यो जोडीको २०१६ मा स्पीयर्सको ‘स्लम्बर पार्टी’ म्युजिक भिडियोको सेटमा भेट भएको थियो र जुन २०२२ मा विवाह गरेका थिए।
