आयरल्याण्डको संसदले सिमोन ह्यारिसलाई देशको नयाँ र सबैभन्दा कान्छो प्रधानमन्त्रीको रूपमा चयन गरेको छ। लियो वराडकरको गत महिना आश्चर्यजनक राजीनामापछि उनका उत्तराधिकारी मानिएका ह्यारिस प्रधानमन्त्रीमा चयन भएका हुन्।

केही स्वतन्त्र सांसदका साथै उनका गठबन्धन साझेदारहरू फियाना फेल र ग्रीन पार्टीबाट समर्थन प्राप्त गरेपछि ह्यारिसले ८८ मत प्राप्त गर्दै प्रधानमन्त्रीमा चयन भएका हुन्। उनको विपक्षमा ६९ जनामात्रै उभिएपछि उनी समर्थक संसद सदस्यहरू हर्षोल्लासमा उत्रिएका थिए।

३७ वर्षीय पूर्वस्वास्थ्य र उच्च शिक्षामन्त्री मुख्यतः कोविड महामारीमा आयरल्याण्डको प्रारम्भिक प्रतिक्रियालाई सहयोग पुर्‍याउन मद्दत गर्नका लागि परिचित र लोकप्रिय रहेका छन्। गत महिना वराडकरको राजिनामा पछि फाइन गेल पार्टीको नयाँ नेताको रूपमा निर्विरोध निर्वाचित भएका थिए।