विश्व फुटबलका महान खेलाडी लिओनल मेस्सीको नाम मात्र खेल मैदानसँग जोडिँदैन, उनको व्यक्तिगत जीवन पनि उत्तिकै रोचक र भावनात्मक छ। 

खासगरी उनको प्रेमकथा, जुन कुनै चलचित्रभन्दा कम छैन। यो कथा बाल्यकालको मित्रता, दूरी, संघर्ष र अन्ततः सफल विवाहसम्म पुगेका छ। 

लिओनल मेस्सी र एन्तोनेला रोकुज्जोको कथा अर्जेन्टिनाको सानो तर सुन्दर सहर रोसारियोबाट सुरु हुन्छ। 

रोसारियो मेस्सी र एन्टाेनेला दुवै यही सहरमा हुर्किएका हुन्। बाल्यकालमै उनीहरू एकअर्कासँग परिचित भए। किनभने उनीहरू परिवार र साथीमार्फत नजिकको सम्बन्धमा थिए।

सुरुवाती दिनमा उनीहरूबीच साधारण मित्रता मात्र थियो। बाल्यकालको खेल, सँगै बिताएका क्षणहरूले उनीहरूको सम्बन्धलाई अझ बलियो बनाउँदै लग्यो। 

समयसँगै त्यो मित्रता विस्तारै गहिरो भावनामा बदलियो। र, उनीहरू एकअर्कासँग प्रेममा परे। मेस्सीले एन्टाेनेलालाई  ‘एकदिन तिमी मेरी प्रेमिका बन्नेछौ’ भनेर पत्र समेत लेखेका थिए। उनी प्राय सधैं सँगै हुन्थे। 

तर जब उनी १३ वर्षको उमेरमा फुटबलमा करिअर बनाउन स्पेन गए, त्यसपछि उनीहरूबीच दूरी बढ्याे। तर, सम्बन्ध उस्तै रह्याे। 

एन्तोनेला रोकुज्जोले पनि आफ्नो जीवनलाई सामान्य तरिकाले अगाडि बढाइन्। उनी अध्ययन र करियरमा केन्द्रित भइन्, तर मेस्सीसँगको सम्बन्ध भने निरन्तर गहिरिँदै गयो।

समय बित्दै जाँदा, उनीहरूको सम्बन्ध फेरि सार्वजनिक रूपमा देखिन थाल्यो। उनीहरूले आफ्नो प्रेमलाई लुकाएनन्, बरू स्वीकार गर्दै अघि बढे। 

लामो समयको सम्बन्ध, समझदारी र विश्वासले उनीहरूलाई विवाहको दिशातर्फ डोर्यायो।

अन्ततः सन् २०१७ मा मेस्सी र एन्तोनेलाले भव्य समारोहमा विवाह गरे। 

यो विवाहलाई विश्वभरका मिडिया र फ्यानहरूले 'बाल्यकालको प्रेम कथा' भनेर सम्झिए, किनभने यो प्रेम कुनै फिल्मी कल्पना होइन, वास्तविक जीवनको लामो यात्रा थियो।

आज उनीहरू सुखी दाम्पत्य जीवन बिताइरहेका छन्। उनीहरूका तीन सन्तान छन्, र परिवारसँगको जीवनमा उनीहरू निकै खुसी देखिन्छन्।