नेपालको अग्रणी निजी एयरलाइन्स कम्पनी बुद्ध एयरले आगामी सोमबारदेखि काठमाडौं– कोलकत्ता सातामा तीन दिन नियमित उडान गर्ने भएको छ।
आईतबार राजधानीमा बुद्ध एयरले पत्रकार सम्मेलन गरि काठमाडौं-कोलकत्ताको व्यवसायीक उडानबारे जानकारी गराएको हो।
सोमबारदेखि काठमाडौं–कोलकत्ता–काठमाडौंको व्यवसायीक उडान सुरू गर्न लागेको बुद्ध एयरका प्रबन्ध निर्देशक विरेन्द्र बहादुर बस्नेतले जानकारी दिए।
बुद्ध एयरले सातामा तीन दिन सोमबार, बुधबार र शुक्रबार काठमाडौं-कोलकत्ता उडान गर्न लागेको हो।
अन्तर्राष्ट्रिय उडानको अभ्यासको रुपमा सुरू गर्न लागेको काठमाडौं-कोलकत्ता उडान सफल भए अन्य स्थानका लागि अन्तराष्ट्रिय उडान सुरु गरिने प्रबन्ध निर्देशक बस्नेतले जानकारी दिए।
बिहान ८ बजे काठमाडौंबाट कोलकत्ता र बिहान साढे १० बजे कोलकत्ताबाट काठमाडौं उडान गर्ने बुद्ध एयरले जानकारी दिएको छ।
यसअघि पनि बुद्ध एयरले भारतको बनारसमा नियमित अन्तर्राष्ट्रिय उडान गर्दै आइरहेको छ।
.avif)
