संयुक्त राष्ट्र संघले बेलायतविरोधी 'फेक न्युज' रोक्न एक करोड ८० लाख स्टर्लिङ पाउण्ड खर्च गर्ने भएको छ । पूर्वी युरोप तथा मध्य एशियामा बढ्दो  बेलायतविरोधी फेक न्युज रोक्न राष्ट्रसंघले यस्तो बजेट व्यवस्था गरिदिएको हो ।

झुटा समाचार प्रकाशनमा नियमन गर्न र स्वतन्त्र सञ्चारमाध्यमलाई मजबुत गर्न आगामी तीन वर्षका लागि बजेटको व्यवस्था गरिएको हो । 

बजेट द्वन्द्व, स्थिरता र सुरक्षाकोषबाट लिइएको बजेट केही दबिएका समुदायका बारेमा लेख्ने पत्रकारलाई सहयोग गर्ने र भ्रामक तथा तथ्यहीन समाचारलाई हतोत्साहित गर्न प्रयोग गरिने छ ।

खासगरी सालिसबरी घटनापछि बेलायतले भ्रामक समाचारविरोधी अभियान चलाइरहेको छ । यही क्रममा यसै साता यसले सञ्चारमाध्यमको स्वतन्त्रताका लागि विश्वव्यापी सम्मेलनसमेत आयोजना गरेको  थियो ।

प्याकेज पूर्वी यूरोप तथा मध्य एशियामा स्वतन्त्र सञ्चारमाध्यमका लागि भ्रामक सूचना प्रवाह रोक्ने पाँचवर्षे अभियानस्वरूप ल्याइएको हो। एजेन्सी