मेलबर्न स्टार्सले बिगबास लिग क्रिकेटमा लगातार दोस्रो जित निकालेको छ।

आइतबार भएको खेलमा होबर्ट हुरिकान्सलाई ५२ रनले पराजित गर्दै मेलबर्नले लगातार दोस्रो जित निकालेको हो। 

मेलबर्नले दिएको १ सय ६४ रनको लक्ष्यसहित जवाफी ब्याटिङ गरेको होबर्टले १६ ओभरमा अलआउट हुँदै १ सय ११ रनमा समेटियो।

होबर्टका लागि क्लिभ रोजले सर्वाधिक ३२ रन बनाए। यस्तै कालेप जेवेलले २५ रन बनाए।

होबर्टलाई सस्तैमा समेट्न मेलबर्नका हरिस राउफले ५ विकेट लिए। कप्तान ग्लेन म्याक्सवेल र एडम जाम्पाले २/२ विकेट लिए। 

सन्दीपले ३ ओभर बलिङ गर्दै १८ रन खर्चिएर १ विकेट लिए।

यसअघि टस जितेर पहिले ब्याटिङ गरेको मेलबर्नले २० ओभरमा ४ विकेट गुमाएर १ सय ६३ रन बनाएको थियो।

मेलबर्नका लागि मार्कोस स्टोनिसले ८१ रनको अर्धशतकीय इनिङ्स खेले। यस्तै निक म्याडिसनले ४० तथा बेन डन्कले १९ रन बनाए।

हुरिकान्सका रीले मेरेडिथले ३ विकेट लिए।

जितसँगै मेलबर्नले २ खेलमा ४ अंक जोडेको छ। मेलबर्न तालिकाको दोस्रो स्थानमा रहेको छ। यसअघि मेलबर्नले पहिलो खेलमा ब्रिसबेन हिटलाई २२ रनले पराजित गरेको थियो।