लिबिया संकटबारे चार देशका नेताहरुबीच छलफल

युद्ध विरामको महत्वलगायतका विषयमा छलफल

लिबिया संकटबारे चार देशका नेताहरुबीच छलफल

लिबियामा बढ्दै गइरहेको संकटका बारेमा विभिन्न देशका नेताहरुबीच छलफल भएको छ। रुसका राष्ट्रपति भ्लादिमिर पुटिन र फ्रान्सका समकक्षी एम्यानुएल मर्कोनले आइतबार कुराकानी गरेका हुन्।

टेलिफोनमा भएको कुराकानीका क्रममा उनीहरुका बीचमा लिबिया संकट, युद्ध विरामको महत्वलगायतका विषयमा छलफल भएको रुसी राष्ट्रपतिको कार्यालयले जनाएको छ।

कार्यालयद्धारा जारी वक्तव्यका अनुसार दुवै नेताहरुले लिबियाको संकट समाधानका लागि आ आफ्नो तर्फबाट सक्दो सहयोग गर्न तयार रहेको बताएका थिए।

संकट समाधानका लागि राजनीतिक तथा कुटनीतिक तवरबाट पहल थाल्ने र जर्मनीको राजधानी बर्लिनमा अन्तर्राष्ट्रिय सम्मेलनको आयोजना गर्ने बारेमा पनि उनीहरुले छलफल गरेको वक्तव्यमा जनाइएको छ।

पुटिन र मर्कोनले युक्रेनको द्वन्द्वका साथै इरान र सिरियाको पछिल्लो अवस्थाका बारेमा पनि कुराकानी गरेका थिए। यसअघि शनिबार पुटिन र जर्मन चान्सलर एञ्जेला मर्केलका बीचमा पनि कुराकानी भएको समाचारमा जनाइएको छ।

त्यसैगरी जर्मनी चान्सलर मर्केलले टर्कीका राष्ट्रपति रेसेप तयप एर्डोगानसँग पनि लिविया संकटका बारेमा कुराकानी गरेका छन्।

आइतबार भएको फोन कुराकानीका क्रममा उनीहरुले लिबियामा हालै विकसीत घटना क्रमका बारेमा छलफल गरेको टर्कीका सरकारी अधिकारीहरुले जनाएका छन्।

उनीहरुले क्षेत्रीय चासो र सरोकारका विषयमा पनि कुराकानी गरेको सरकारी निकायद्धारा जारी वक्तव्यमा जनाइएको छ।

प्रकाशित मिति: Jan 13, 2020 16:49:25

प्रतिक्रिया दिनुहोस

प्राथमिकतामा सरसफाइ
  • अन्नपूर्ण पोष्ट
सबै