दिदी बहिनी भलिबल प्रतियोगिताकाे उपाधि एपीएफलाई

 दिदी बहिनी भलिबल प्रतियोगिताकाे उपाधि एपीएफलाई

विभागीय टिम एपीएफले चौथों संस्करणको दिदी बहिनी कप राष्ट्रिय भलिबल प्रतियोगिताको उपाधि जितेको छ।

विभागीय डर्बीमा पुलिसलाई ३–१ को सेटमा पराजित गर्दै एपीएफ लगातार प्रतियोगिताको उपाधि जितेको हो। 

पर्वतको बेनीमा भएको प्रतियोगिताको पहिलो सेट एपीएफले २५–१५ ले गुमाएको थियो। तर दोस्रो सेट २५–१८ ले जितेको एपीएफले तेस्रो सेट २५–२१ र चौथो सेट २५–१२ ले हात पारेको थियो।

उपाधिसँगै एपीएफले २ लाख रुपैयाँ प्राप्त गर्यो। उपविजेता पुलिसले १ लाख रुपैयाँमा चित्त बुझायो।

आर्मीलाई हराउँदै तेस्रो बनेको न्यु डायमण्डले ५० हजार रुपैयाँ हात पार्यो। तेस्रो स्थानका लागि आजै बिहान भएको खेलमा न्यु डायमण्डले आर्मीलाई २५–२३, २५–२१ र २५–२२ को सोझो सेटमा पराजित गरेको थियो।
 

प्रकाशित मिति: Feb 22, 2020 13:06:13

प्रतिक्रिया दिनुहोस

सबै