कुसुम गौतम
अहो!!
कस्तो शुन्यता छाएको छ यहाँ
म कागज र कलम लिएर
टोल्याइरहेकी छु
केही सिर्जनाले पाना सजाउन
तर ...
न त मसँग कुनै शब्द छन्
न त केही लेख्न सक्ने सामर्थ्य
मेरो साहित्यिक हृदयमा रसाउने
रमाइला अनुभव, रमाइला अनुभूतिहरू
चुपचाप चुपचाप
एकोहोरो मलाई हेरिरहेका छन्
कस्तो डर लाग्दो मौन प्रहार गर्दै
मलाई एकलो बनाएका छन्
चारै दिशा निराशाका रङ्ग पोतिदिएका छन्
अनिहरु निःशब्द छन्
तर लाग्छ ...
मलाई नै औँला ठड्याएर
चेतावनी दिइरहेका छन्
अब मेरो मनसँग उनीहरुको
कुनै सम्बन्ध छैन रे!!
शरीर र आत्माको वियोग झैँ
म आतिन्छु ...
जिन्दगीसँग बाँच्ने कला हराए झैँ लाग्छ मलाई
म मेरा चेतनाहरु बटुलेर केही बोल्न खोज्दै छु
तर म एक निमुखा झैँ
केही बोल्न सकेकी छैन ... ।।
जेन–जीको नाममा नयाँ आतंक: ‘म नै राज्य हुँ’ भन्ने शैलीमा धम्की र दबाब
ओली र पोखरेलको चेतावनी, बस्नेतको हुंकार र जेन–जी आन्दोलनपछि नेपालको राजनीति
‘जेन–जी’ आन्दोलनः स्वतन्त्रता कि विदेशी शक्तिको खेल?
दशैँको टीका र जमराको शास्त्रीय साइनो
विश्व शान्ति दिवसमा अशान्त मन!
जलेको सिंहदरबार
जेन–जी विद्रोह: धरोहरको पीडा र नयाँ नेपालको संकल्प
१ .
२ .
३ .
४ .
५ .
प्रतिक्रिया