कोरोनाबाट ज्यान गुमाएका वृद्ध बुवाकाे लाससँग १६ घण्टा बिताएका स्पेनी युवाकाे कथा

कोरोनाबाट ज्यान गुमाएका वृद्ध बुवाकाे लाससँग १६ घण्टा बिताएका स्पेनी युवाकाे कथा

कोरोना भाइरसको संक्रमणले घण्टैपिच्छे मानिसको मृत्यु भइरहेको स्पेनको लिनियाल, म्याड्रिडमा ज्यान गुमाएका बाबुको लाससँगै १६ घण्टा बिताएका एक युवाकाे मन छुने कथा बाहिर आएको छ ।

२५ वर्षीय लुइस फर्नान्डेजका ७९ वर्षीय पितालाई कोरोनाकाे संक्रमण भएपछि मुस्किलले सास फेरिरहेका थिए । ज्वरो आइरहेको थियो । अस्पतालमा सम्पर्क गरिरहेका बेला उनको काखमा बुधबार १ बजेकाे मध्यरातमा बुवाकाे निधन भयाे। बाबुको निधनपछि अन्तिम संस्कारका लागि उनले लासलाई समाधिस्त गर्न लास व्यवस्थापन कम्पनीलाई फोन गरेका थिए। तर बिहार र दिउँसाेसम्म कोही आएन। लामाे समय कुरेपछि बेलुकी ५ बजेतिर लास बाेक्न एउटा गाडी घर आइपुग्याे।

लास बाेक्न आएकाे कम्पनीका मानिसले उनीसँग २७ सय युरो छ कि छैन भनेर प्रश्न गरेका थिए। तर उनले छैन भनेपछि लास बाेक्ने कम्पनि घर प्रवेश नै नगरि फर्किएकाे थियाे।

उनी याे समस्या प्रहरीलाई बताए। यसपछि प्रहरीको राेहवरमा गाडी पुन: फर्कियाे। लुईसले आफू पनि दमको रोगी भएको र आइतबारदेखि ज्वरो आइरहेको बताएका छन् । कोरोनासँग मिल्ने सबै लक्षण आफूलाई मिलेको हुनाले परीक्षण गर्न उनले  अस्पतालमा नमूना पनि पठाएका छन् । 

उनी कोरोना संक्रमणमा रहेका बुवासँगै शुरुदेखि बसेँ । ‘पक्कै मलाई पनि सर्‍यो होला । म यसैपनि दमको रोगी हुँ’, उनले बताए। उनको बवाको निधन हुने दिन लिनियालमा धेरै बृद्धबृद्धा कोरोना भाइरसकाे सिकार भएका थिए । अहिलेसम्म ३ हजार ६ सयभन्दा धेरैले स्पेनमा कोरोनाको कारण ज्यान गुमाइसकेका छन् । कोरोना संक्रमित भएको कारण लासको व्यवस्थापन गर्ने कम्पनीले घरबाट लगेर उतै गाडेको र आफू संक्रमणको कारण जान नमिलेको उनको भनाई छ । यतिबेला स्पेनमा लासको व्यवस्थापन गर्ने कम्पनी र सेनाको एउटा समूहलाई लासको टुँगो लगाउन हम्मेहम्मे परिरहेकाे छ।

प्रकाशित मिति: Mar 26, 2020 11:19:30

प्रतिक्रिया दिनुहोस

सबै