थप १० जना नेपालीमा कोरोना संक्रमण, अवैधानिक रुपमा बसेकालाई बहराइन छाड्न आदेश

 थप १० जना नेपालीमा कोरोना संक्रमण, अवैधानिक रुपमा बसेकालाई बहराइन छाड्न आदेश

बहराइनमा थप १० जना नेपालीमा कोरोना संक्रमण देखिएको छ । योसँगै बहराइनमा संक्रमित नेपालीको सङ्ख्या २२ पुगेको छ ।

यसअघि बहराइनमा १२ जना नेपालीमा संक्रमण देखिएको थियो । केही समयअघि सल्माबादको एक म्याम्पमा एक जना विदेशीलाई कोरोना संक्रमण देखिएपछि त्यहाँ कार्यरत सबै श्रमिकलाई क्वारेन्टाइनमा राखेर कोरोना परीक्षण गरिएको थियो । यसमध्येबाट बुधबार थप १० जना नेपालीमा कोरोना संक्रमण पुष्टि भएको बहराइनका लागि नेपाली राजदूत पदम सुन्दासले बताए।

बहराइनले कोरोना रोकथामका लागि नियममा थप कडाइ गरेको छ । संक्रमितले क्वारेण्टीनमा नबसेमा तीन महिना जेल सजाय र एक हजारदेखि १० हजारसम्म बहराइन दिनार जरिबाना हुनेछ ।

बहराइनले ७ अप्रिलदेखि लागू हुनेगरी सन् २०२० भरी नै अवैधानिक रुपमा बसेकालाई बहराइन छोड्न वा वैधानिक हुने अवसर दिइएको पनि बहराइनमा रहेको दूतावासले जनाएको छ ।

त्यहाँ कुनै पनि भेला सभा समारोह गर्न रोक लगाइएको छ । शैक्षिण संस्थाहरु बन्द छन् भने शैलुन, जिमदेखि सार्वजनिक ठाउँहरु पनि बन्द छन् । कोरोनाको कुनै लक्षण देखिएमा बहराइनको टोल फ्रि नम्बर ४४४ मा सम्पर्क गर्न सकिन्छ । अन्य कुनै समस्या भएमा दूतावासमा सम्पर्क गर्न अनुरोध गरिएको छ ।

प्रकाशित मिति: Apr 09, 2020 07:32:18

प्रतिक्रिया दिनुहोस

सबै