‘गुलाबो सिताबो’ डिजिटल प्लेटफर्मबाट रिलिज हुँदै, अमिताभ र आयुष्मानले जनाए आपत्ति

‘गुलाबो सिताबो’ डिजिटल प्लेटफर्मबाट रिलिज हुँदै, अमिताभ र आयुष्मानले जनाए आपत्ति

निर्देशक सुजित सिरकारको निर्देशनमा तयार भएको चलचित्र ‘गुलाबो सिताबो’ डिजिटल प्लेटफर्मबाट रिलिज हुने भएको छ। यसबाट निर्माताले राम्रै रकम पाएका छन्।

उनले हलसम्म चलचित्र रिलिजको लागि पर्खन नसक्ने भएपछि डिजिटल प्लेटफर्मबाट रिलिज गर्न लागेको बताएका हुन्।

तर, डिजिटल रिलिजको निर्णयमा चलचित्रका मुख्य नायक अमिताभ बच्चन र आयुष्मान खुराना भने खुशी छैनन्। उनीहरु लकडाउन खुलेर अवस्था सामान्य हुने अवस्थासम्म पर्खिनुपर्ने सोचाइमा थिए।

यता अक्षय कुमारको मुख्य भूमिका रहेको चलचित्र ‘लक्ष्मी बम’ पनि डिजिटल रिलिजको तयारीमा रहेको छ। 

अहिले मानिसहरुमा घरमै बसेर चलचित्र हेर्ने बानीको विकास हुँदैछ। यसले, मेकरले पनि तत्काल आफ्नो लगानीको मुनाफा पाउने अवस्था सिर्जना भैरहेकोले डिजिटल रिलिजको तयारी थालेका हुन्।

यता सलमान खानको मुख्य भूमिका रहेको चलचित्र ‘राधे’को निर्माता पनि डिजिटल विक्रीका लागि आकर्षित छन्।
 

प्रकाशित मिति: May 11, 2020 12:46:15

प्रतिक्रिया दिनुहोस