जनकपुमा ३ दिनदेखि बेपत्ता भएकी एक बालिका मृत अवस्थामा फेला परेकी छन्।
जनकपुरधाम उपमहानगरपालिका २१ कुर्थाकी ११ वर्षीया बालिकाको शुक्रबार शव भेटिएको जिल्ला प्रहरी कार्यालयका प्रहरी नायब उपरीक्षक रामेश्वर कार्कीले जानकारी दिए।
उनका अनुसार बालिकाको शव घरभन्दा एक किलोमिटर परको दूधमती नदीमा अर्धनग्न अवस्थामा फेला परेको हाे। बालिकाकाे शव पोस्टमार्टमका लागि अस्पताल लगिएकाे उनले जानकारी दिए।
प्रहरीका अनुसार बुधबार दिउँसो ११ बजे भैंसी चराउन गएकी कञ्चन बेपत्ता भएकी थिइन्। लगत्तै बालिका हराएको सूचना प्रहरीलाई आएको प्रहरी उपरीक्षक कार्कीले बताए।
बालिकाको बलात्कारपछि हत्या भएकाे हुनसक्ने प्रहरीले जनाएकाे छ।
