अयोध्यामा राम मन्दिर बन्ने कुराको पाकिस्तानी क्रिकेटर कानेरियाद्धारा स्वागत

अयोध्यामा राम मन्दिर बन्ने कुराको पाकिस्तानी क्रिकेटर कानेरियाद्धारा स्वागत

भारतको अयोध्यामा बुधबार भगवान रामको जन्मस्थल मानिएको बाबरी मस्जिदमा मन्दिर बनाउन प्रधानमन्त्री नरेन्द्र मोदीले भूमी–पूजा गरेका थिए। यसबाट आक्रोसित भएको पाकिस्तानमा जहाँ यसको विरोध भइरहेको छ, पाकिस्तानी क्रिकेट टिमका पूर्व स्पिनर दानिस कनेरियाले भने एउटा ट्वीट गर्दै खुसी मनाएका छन्। 

दानिस पाकिस्तानको क्रिकेट टिममा सहभागी हुने दोस्रो हिन्दु खेलाडी हुन्। उनले बुधबार ट्वीट गर्दै भने, ‘भगवान राम हाम्रो आदर्श हुन्। विश्वभरि छरिएर रहेका हिन्दुका लागि आजको दिन ऐतिहासिक हो।’

उनले भगवान रामको सुन्दरता उनको चरित्रमा भएको बताएका छन्। ‘उनी खराबविरूद्ध राम्रोको प्रतिक हुन्। आज विश्वभरि खुसीको वातावरण छ,’ उनले भनेका छन्। 

उनको ट्वीट बाहिरिएपछि धेरैले उनलाई सुरक्षित रहन सल्लाह दिएका छन्। पाकिस्तानको विदेश कार्यालयले बुधबार एउटा विज्ञप्ती सार्वजनिक गर्दै बाबरी मस्जिदमा मन्दिर बनाउन दिने भारतको सर्वोच्च अदालतको निर्णय त्रुटीपूर्ण भएको बताएको थियो।

प्रकाशित मिति: Aug 06, 2020 18:18:54

प्रतिक्रिया दिनुहोस

सबै