मध्यपुर थिमिमा एकै परिवारका तीन जना मृत फेला परेका छन्।
मध्यपुर थिमिमा नगरपालिका ९ निकोसेरा बस्ने ३६ वर्षीय सुदीप अधिकारी, उनकी श्रीमती ३४ वर्षीया सम्झना र १५ वर्षीय छोरा सुशान्तको शव घरमै फेला परेको महानगरीय प्रहरी वृत्त प्रमुख डीएसपी ऋषिराम कँडेलले बताए।
‘हत्या केही दिन पहिले भएकोजस्तो देखिन्छ। हामीले अनुसन्धान थालेका छौं। यसमा संलग्नलाई पत्ता लगाएर सार्वजनिक गर्नेछौं,’ उनले भने।
मृतकका भाइ सुनिल अधिकारी घरमा आइपुग्दा घरको दोश्रो तल्लामा कुकुर र सम्झनाको शव, तेस्रो तलामा सुशान्त र माथिल्लो तलामा सुदीपको शव फेला परेको प्रहरीले बताएको छ।
