वीरगञ्जबाट सोमबार साँझ थप १ सय ६९ जना कोरोना संक्रमण निको भएर घर फर्किएका छन् । 

वीरगञ्जका विभिन्न अस्पतालको आइसोलेसन, होम आइसाेलेसन, सामुदायिक आइसोलेसनमा उपचाररत रहेका संक्रमितहरूमध्ये १ सय ६९ जना कोरोना निको भएर घर फर्किएको जिल्ला प्रशासन कार्यालय पर्साद्धारा आज साँझ जारी गरेको प्रेस नोटमा उल्लेख गरिएको छ । 

स्थानिय प्रसासनले जारी गरेको प्रेस नोटमा आजसम्म पर्सा जिल्लामा २ हजार ४ सय ५१ जनामा संक्रमण पुष्टि भएको र ती मध्ये १ हजार ८ सय ९९ पुरुष र ५ सय ५२ महिला रहेका छन् । 

त्यसैगरी वीरगञ्जमा कोरोना मुक्त भई घर फर्किनेको संख्या १८ सय ३३ जना पुगेको छ । प्रशासनले जारी गरेको प्रेस नोटमा बीरगंजमा आजसम्म ४२ जना कोरोना संक्रमितको उपचारको क्रममा मृत्यु भएको उल्लेख गरिएको छ । 

त्यसैगरी सोमबारसम्म वीरगञ्जकाे अस्थायी कोभिड गण्डक अस्पतालमा २४ पुरुष, ९ महिलासहित ३३ जना को उपचार भइरहेकोमा ६ जना आइसीयुमा रहेको जनाइएको छ । 

अन्य संक्रमितहरु भने होम आइसाेसन र सामुदायिक आइसाेलेसनमा रहेका छन् ।