हो आज मेरो घरको क्यालेण्डर फेरिन्छ 
हाम्रा क्रियाकलाप सबै नै फेरिन्छन्।
हेप्पी न्यू इयरले। 
तर मेरो नव वर्ष मलाई बैशाखै लाग्छ। 
नयाँ फुलेका फूलहरू चिरबिराई रहेका चरा–चुरूङगीहरू
हरियाली हँसिलो पृथ्वी लटरम्म फूले फलेका वृक्षहरू 
न्यानो सुस्तबतास 
कोइलीको मधुर धुन 
सबै सबैले मलाई 
बैशाखै प्यारो लाग्छ। 
आज त मेरो क्यालेण्डर मात्र फेरिन्छ। 
हाम्रो नव वर्ष त मलाई बैशाखै हो 
मलाई 
बैशाखै प्यारो लाग्छ।