पिडा छ?
- छ।
स्वतन्त्रता?
- छैन।
अनि हाँसो नि?
- एकादेशको कथा।
विद्रोहका टुसा नपलाएका हैनन्,
गुहार माग्दै नचिच्याएको पनि हैन,
प्रत्येक पल
जब उम्किने प्रयास भयो,
जब स्वतन्त्रताको भूत उसमा चढ्न लागे,
उस्ले आफ्नै अस्तित्व बलिदान दिएर खरानी हुन पर्यो।
आज फेरि खुकुरीले प्रश्न गर्यो- खुसी छस् ?
उसले एकाएक सम्झियाे- आगोको राप,
सम्झियाे- आफ्नै अस्तित्व,
र मनभरीका चाहना गुम्साएर
अचानोले बोल्यो-
"हजुर !"
