प्रेम आलेकाे छट्पटी: घरी-उता घरी-यता, यस्ताे थियाे उनकाे व्यथा (तस्वीरहरू)

Breaknlinks
Breaknlinks

माधव नेपाल नेतृत्वको नेकपा (एकीकृत समाजवादी)ले गत शुक्रबारदेखि केन्द्रीय कार्यालय सञ्चालनमा ल्याएको छ।

आलोकनगरस्थित तीनकुने पुल दक्षिणमा रहेको तीन तले घरमा पार्टी अध्यक्ष नेपालले रिबन काटेर कार्यालयको औपचारिक उद्घाटन गरेका थिए।

उद्घाटन कार्यक्रममा अध्यक्ष नेपालसहित वेदुराम भुसाल, राजेन्द्र पाण्डे, गंगा तुलाधर, विरोध खतिवडालगायतका नेता तथा कार्यकर्ताहरु सहभागी थिए।

त्यही भीडमा प्रेमबहादुर आले पनि झुलुक्क देखा परे, जो चिन्तित मुद्रामा देखिन्थे। अरु मानिसहरु कोही फोटोशेसनमा व्यस्त थिए भने कोही आफ्नै गफमा। तर नेता आले भने उदास अनुहार बनाएर वरपर गरिरहेका थिए। उनलाई देख्दा यस्तो लाग्थ्यो कि उनी कुनै गम्भीर चिन्तामा छन्।

उनी घरी दायाँ हेर्थे त घरी बायाँ। घरी मोबाइल चलाएजस्तो गर्थे त घरी फोन गर्थे। उनको हाउभाउलाई हेर्दा उनको अनुहार नै चिन्तित देखिन्थ्यो। 

उनीसँग विभिन्न कार्यकर्ताहरुले सेल्फी पनि लिए, तर त्यतिबेला पनि उनको अनुहार खुल्न सकेन।

उद्घाटन सकिएसँगै पनि उनी सबैभन्दा पहिले कार्यक्रमस्थलबाट निस्किए। त्यतिन्जेलसम्म उनको 'स्याड मूड'लाई अन्य नेता र सुभेच्छुकहरुले पनि नियालिरहेका थिए। 


र, माधव नेपालले तीन लाख २५ हजार भाडा भएकाे घरमा रिबन काटे !

पुण्य गाैतमकाे 'इमर्जेन्सी' मूड: कार्यकर्तालाई धकेल्दै माधव नेपालकाे घाँटीमा खादा [भिडियाे]

महङ्गा फर्निचरले सजाइयाे माधव नेपालकाे नयाँ कार्यालय, यस्ता छन् अरू नेताका कार्यकक्ष (तस्वीरहरू)

 

प्रकाशित मिति: : 2021-09-20 19:51:00

प्रतिकृया दिनुहोस्

ट्रेन्डिङ