गीतमा अधिकार कसको ?

स्टेजमा गायकले रचनाकार, सङ्गीतकारको नामै लिदैनन्ः श्रवण मुकारूङ

रातोपाटी

शिखर मोहन

• • •

गीतकार विपिन किरणको ‘नबिर्से तिमीलाई’ बोलको गीतले गायिका अन्जु पन्तलाई नयाँ उचाइ दियो। तर यो गीत उही भर्सनमा गायिका रचना रिमालले गाएपछि विवाद आएको छ। यही विवादले गुमनाम जस्तो रहेका गीतकार विपिन किरणको अहिले चर्चा छ। गीतमा सर्वाधिकार गीतकारको हुने भएकाले गीतकारले जसलाई पनि गाउन दिन सक्ने जिकिर उनको छ।

कुनै पनि गीत चर्चित हुन गीतकार, सङ्गीतकार र गायकको त्रिपक्षीय भूमिका महत्त्वपूर्ण हुन्छ। सुरुवातमा गीतको न्वारन गर्ने नै गीतकार भए पनि पछिल्लो समयमा गीतकार ओझेलमा परेको गुनासा सुनिन थालिएको छ। एउटा स्रष्टाले गीत लेखेर दिएपछि सङ्गीत भरिन्छ अनि मात्र गायकले गाउँछ। गीतका कारण गायक तथा सङ्गीतकार चिनिन्छन्, गीतकार भने ओझेलमा नै। यो दुःखेसो गीतकारहरूको हो।

• • •