नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले विद्यार्थी संगठनलाई पार्टीबाट चाहिने सबै सुविधा दिने बताएका छन्।
काठमाडौंमा बुधबार आयोजना गरिएको क्रान्तिकारी फोर्स घोषणा कार्यक्रममा बोल्दै उनले विद्यार्थी नै सडकको हिरो भएको बताएका हुन्।
‘युवा विद्यार्थीहरु सडकका हिरो हुन्’ विद्यार्थीहरुलाई लक्षित गर्दै उनले भने, ‘तपाईँहरुले गाउँका टोल–टोलमा गएर सडक तताउनुहुन्छ भन्ने हामीले आशा गरेको छु।’
विगतका दिनहरुमा आफू आन्दोलन गर्दा युवा रहेको बताउँदै उनले भने, ‘अब पालो तपाईंहरुको हो। देशको नेतृत्व तपाईँहरुले नै गर्नुपर्छ।’ त्यसैगरी उनले समाजवादको निर्माणमा पनि युवाहरुको आवश्यक रहेको उनले बताए।
