प्रधानसेनापति शर्माले भेटे राष्ट्रपति भण्डारीलाई

File Photo
File Photo

नेपाली सेनाका प्रधानसेनापति प्रभुराम शर्माले आइतबार राष्ट्रपति विद्यादेवी भण्डारीसँग भेट गरेका छन्।

शर्माले दिउँसो ३ बजेदेखि झण्डै दुई घण्टा शीतल निवासमा भेटवार्ता गरेकाे शीतल निवासनिकट स्राेतले जनाएकाे छ।

सेनापतिले राष्ट्रपति भण्डारीसँग गरेको भेटवार्ताको विस्तृत विवरण हालसम्म सार्वजनिक भएको छैन। तर, नागरिकता विधेयक प्रमाणीकरण नगरेपछि उत्पन्न परिस्थिति, आगामी चुनावमा सेना परिचालन,भोलिदेखि फेरि लागि हुने पृतना संरचना र गत साता सैनिक मुख्यालय, भद्रकालीमा भएको चार वटै सुरक्षा अंगका प्रमुखबीचको छलफलबारे कुराकानी भएकाे बताइएकाे छ।

राजनीतिक चर्चासँगै सबैले चासो दिइरहेको सन्दर्भमा भएको राष्ट्रपति र प्रधानसेनापतिको भेटघाटलाई जानकारहरूले अर्थपूर्ण ठानेका छन्।
 

प्रकाशित मिति: : 2022-09-26 07:51:00

प्रतिकृया दिनुहोस्