गत नोभेम्बर ८ तारिकमा १९५६.३७ विन्दुमा रहेको पुँजी बजार मापक नेप्से परिसूचक डिसेम्बर ७ मा १९१७.२८ विन्दुमा बन्द भयो । यो एक महिनाको अवधिमा सेयर बजारमा खासै परिवर्तन नभएको र केही अङ्कको तलमाथि मात्रै भएको यो तथ्याङ्कले देखाउँछ । यो एक महिनाको बीचमा राजनीतिक रूपमा भने धेरै परिवर्तन भयो ।
प्रतिनिधिसभा र प्रदेशसभा निर्वाचन सम्पन्न भयो । सातवटा प्रदेशका प्रदेश सरकार र केन्द्र सरकार नयाँ बन्दैछ । निर्वाचनबाट पहिलो दलको रूपमा रहेको नेकपा एमाले दोस्रो ठुलो दलको रूपमा रहेको छ भने दोस्रो ठुलो दल नेपाली काँग्रेस पहिलो दलको रूपमा देखापरेको छ । यस्तै, सत्ता गठबन्धनको दल नेकपा एकीकृत समाजवादी राष्ट्रिय दल बन्न सकेन ।
