अन्तर्राष्ट्रिय महिला दिवसको अवसरमा आयोजना गरिएको स्किल्स एण्ड थ्रिल्सको कार्यक्रम भव्यताका साथ सम्पन्न गरेका भएकाे छ।
बुधबार बालुवाटारस्थित अटो फोकस परिसरमा गरिएको कार्यक्रम सबैका लागि खुला राखिएको थियो। कार्यक्रममा विशेष र रोमाञ्चक स्किल, थ्रिल्स र चिलका क्रियाकलापसहित युवा-युवती र विदेशी कुटनीतिक नियोगबाट समेत उत्साहजनक उपस्थित रहेको थियो।
कार्यक्रम निकै रमाइलो र उत्साहजन भएको स्किल्स एण्ड थ्रिल्सका सदस्य निश्मा श्रेष्ठले बताइन्। ‘यो हाम्रो पहिलो कार्यक्रम हो, आर्को साल झन भव्यता साथ तयारी गर्ने छौँ,’ उनले भनिन्।
महिलाको उपलब्धीलाई मनाउने र लैङ्गिक समानतालाई प्रवर्द्धन गर्ने उद्देश्य राखिएको कार्यक्रममा ओपन ट्र्याक स्ट्यान्ड च्यालेन्ज र महिला टर्टल दौडजस्ता साइक्लिङ खेलको प्रतियोगिता भएको थियो। विशेषगरी महिलाहरूलाई साइकल चलाउने आफ्नो जोशलाई पछ्याउन र स्वस्थ जीवनशैलीको नेतृत्व गर्न प्रोत्साहित गर्न डिजाइन गरिएको कार्यक्रममा सयौंको संख्यामा युवाहरुको सहभागी रहेको थियो।
कार्यक्रममा सहासिक क्षेत्रमा सफलता हासिल गरेका उषा खनाल, मिङ्मा याङ्जी शेर्पा, मेनुका गुरुङ र पञ्चमाया तामाङले प्रेरणादायी कथाहरू प्रस्तुत गरेका थिए। उनीहरुले कसरी पितृसतात्मक समाजमा विभिन्न चुनौति झेल्दै, अवरोध तोडेर आ-आफ्नो क्षेत्रमा अगाडि बढेका आ-आफ्ना रोचक र संघर्षशील कथाहरु बताएका थिए।
सोमिया बराइली, केटीए हारु र डीजे दानको प्रत्यक्ष संगीत प्रस्तुतिले कार्यक्रमको थप रौनक र जीवन्तता थपेको थियो। उपस्थित श्रोताहरूले संगीतको तालमा नाचगानसहित र भरपुर आनन्द लिएका थिए।
स्किल्स एण्ड थ्रिल्सको आयोजनामा गरिएको कार्यक्रमको मुख्य प्रायोजक वड्वाईजरले गरेकाे थियो भने लक्ष्मी साइकल सेन्टर, लामा, भोन काठमाडाैँ, म्याप हाउस र कर्मा कफीलगायतको सहयोग रहेको थियो।
