आइसिसी एकदिवसीय यू– १९ एसिया कपअन्तर्गत आज (आइतबार) नेपालले अफगानस्तानसँग प्रतिस्पर्धा गर्दैछ। खेल नेपाली समयअनुसार बिहान सवा ११ बजे दुबईमा हुनेछ।
जारी प्रतियोगितामा नेपालको यो दोस्रो खेल हो। नेपाल पहिलो खेलमा शुक्रबार पाकिस्तानसँग ७ विकेटले पराजित भएको थियो।
सेमिफाइलमा पुग्ने सम्भावना जिवित राख्न नेपाललाई आजको खेल जित्नै पर्ने दबाब छ।
त्यस्तै अफगानस्तान पनि आफ्नो पहिलो खेलमा भारतसँग ७ विकेटले पराजित भएको थियो। सेमिफाइनलमा पुग्न अफगानस्तानको लागि पनि यो खेल उत्तिकै महत्वपूर्ण रहेको छ।
