सौर्य एयरलाइन्सकाे जहाज दुर्घटनामा मृत्यु भएकाकाे परिवारले आफ्नाे माग पूरा नभएसम्म शव नबुझ्ने बताएका छन्।

बिहीबार त्रिवि शिक्षण अस्पताल पुगेका एयरलाइन्सका प्रतिनिधिसँगको छलफलमा मृतकका परिवारले आफ्नाे माग पूरा नभएसम्म शव नबुझ्ने बताएका हुन्।

उनीहरूले आफूहरूलाई क्षतिपूर्ति दिनुपर्ने, परिवारका सदस्यलाई रोजगारी दिनुपर्ने, सन्तानका लागि उच्च शिक्षाकाे व्यवस्था गर्नुपर्नेलगायतकाे माग राखेका छन्। साथै उनीहरूले यसका लागि कम्पनीले आफूहरूसँग लिखित सम्झौता गर्नुपर्ने माग गरेका छन्।

बुधबार बिहान ११ बजे १९ जना चालकदलका सदस्य लिएर काठमाडौँबाट पोखराका लागि उडेकाे सौर्य एयरलाइन्सकाे ९ एन-एएमई कल साइनको जहाज त्रिभुवन अन्तर्राष्ट्रिय विमानस्थलमा दुर्घटना भएको थियो।

दुर्घटनामा १८ जनाको घटनास्थलमै मृत्यु भएको थियाे भने पाइलट मनिष शाक्यको जीवितै उद्धार गरिएकाे थियाे। उनकाे काठमाडौँ मेडिकल कलेजमा उपचारका भइरहेकाे छ।

मृत्यु भएका १८ जनाको शव पोस्टमार्टम र पहिचानका लागि त्रिवि शिक्षण अस्पतालमा राखिएको छ। केहीको पोस्टमार्टम सुरु भएको छ।